بدھ‬‮   6   دسمبر‬‮   2023
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

عمران خان 100 فیصد نا اہل ہوتے نظر آرہے ہیں، فیصل واوڈا کا دعویٰ

       
مناظر: 961 | 2 Jan 2023  

 

لاہور (نیوز ڈیسک ) پاکستان تحریک انصاف (پی ٹی آئی) کے سابق رہنما فیصل واوڈا کا کہنا ہے کہ انہیں عمران خان نا اہل ہوتے ہوئے نظر آ رہے ہیں، لاہور میں منڈی لگی ہوئی ہے اور دونوں طرف سے بولیاں لگ رہی ہیں، اعتماد کا ووٹ ہوگا ہی نہیں اور اگر ہوا تو ان کے دوست مونس الہٰی کو گھر جانا ہوگا۔
نجی ٹی وی دنیا نیوز کے پروگرام میں گفتگو کرتے ہوئے فیصل واوڈا نے کہا کہ انہیں عمران خان 100 فیصد نا اہل ہوتے نظر آ رہے ہیں، فارن فنڈنگ اور توشہ خانہ کے کیسز سر پر کھڑے ہیں، اس ملک کی خوبصورتی یہ ہے کہ جب چھپنے پر آئے تو ہاتھی بھی چھپ جاتا ہے لیکن نکلنے پر آئے تو دم نکل آتی ہے، وہ عمران خان سے درخواست کرتے تھے کہ جب آپ مقبولیت کے عروج پر کھڑے ہیں تو پاکستانی قوم کیلئے بہتری کی طرف چلے جائیں۔
انہوں نے کہا کہ وہ منڈی دیکھنے لاہور آئے ہیں، ہر بکرے کے اوپر مالش ہو رہی ہے، دونوں طرف بولی لگ رہی ہے، حاصل حصول کچھ نہیں ہے، وہ پہلے سے ہی کہہ رہے ہیں کہ اعتماد کا ووٹ ہوگا ہی نہیں، مونس الہٰی سے ان کی سیاست میں آنے سے پہلے کی دوستی ہے اور اگر اعتماد کا ووٹ ہوگیا تو مونس الہٰی کو گھر جانا ہوگا، جتنی بھی چیزیں ہو رہی ہیں وہ سب کچھ ایک میک اپ ہے جو پہلے سے طے شدہ ہے، اس کی اصل کچھ بھی نہیں ہے۔

مقبوضہ کشمیر میں بھارت کی انسانیت دشمنی کی تفصیل
From Jan 1989 till 31 October 2023
Total Killings 96,263
Custodial killings 7,317
Civilian arrested 168,571
Structures Arsoned/Destroyed 110,504
Women Widowed 22,965
Children Orphaned 1,07,924
Women gang-raped / Molested 11,259

October 2023
Total Killings 17
Custodial killings 11
Civilian arrested 78
Structures Arsoned/Destroyed 3
Women Widowed 2
Children Orphaned 10
Women gang-raped / Molested 0