پیر‬‮   15   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

مقبوضہ کشمیر :سڑک حادثے میں ماں، بیٹا جاں بحق، باپ، بیٹا زخمی

       
مناظر: 864 | 4 Jan 2023  

سری نگر (نیوز ڈیسک )بھارت کے غیر قانونی زیر قبضہ جموںوکشمیر میں پونچھ جموں شاہراہ پر آج ایک سڑک حادثے میں ایک خاتون اور اس کے 4 ماہ کے بچے کی موت ہو گئی جبکہ اس کا شوہر اور ایک اور بیٹا زخمی ہو گئے۔
آلٹو کار اور بس کے درمیان تصادم کے نتیجے میں کار میں سوار خاتون اور اس کا کمسن بچہ موقع پر ہی دم توڑ گئے جبکہ خاتون کا شوہر اور ایک بیٹا زخمی ہو گئے جنہیں علاج کے لیے ڈسٹرکٹ ہسپتال نوشہرہ منتقل کر دیا گیا ہے۔
جاں بحق ہونے والی خاتون کی شناخت 26 سالہ صائمہ کوثر اور اس کے 4 ماہ کے بیٹے دانش کے نام سے ہوئی ہے۔ زخمیوں میں تیس سالہ محمد انیس اور 4 سالہ بیٹا معیز احمد شامل ہیں۔ حادثے کا شکار ہونے والا خاندان ضلع پونچھ کے علاقے منجکوٹ کا رہائشی بتایا جاتا ہے۔