جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

اقوام متحدہ بھارت کو دہشت گرد ریاست قرار دے، کل جماعتی حریت کانفرنس

       
مناظر: 822 | 15 Dec 2022  

سرینگر(نیوز ڈیسک )بھارت کے غیر قانونی زیر قبضہ جموں و کشمیر میںکل جماعتی حریت کانفرنس نے عالمی برادری بالخصوص اقوام متحدہ سے مطالبہ کیا ہے کہ وہ کشمیریوں کو اپنا پیدائشی حق، حق خود ارادیت مانگنے کی پاداش میں ریاستی دہشت گردی کا نشانہ بنانے پر بھارت کو ایک دہشت گرد ریاست قرار دیں۔
کل جماعتی حریت کانفرنس کے سینئر رہنما غلام احمد گلزار سرینگر میں جاری ایک بیان میں کہا کہ بھارت نہ صرف مقبوضہ جموں و کشمیر بلکہ پاکستان سمیت پڑوسی ملکوں میں بھی بم دھماکوں ،ٹارگٹ کلنگ اور دہشت گردی کی دیگر کارروائیوںمیں ملوث ہے۔
انہوں نے کہا کہ پاکستان نے حال ہی میں غیر ملکی سفارت کاروں کو 2021 میں لاہور کے علاقے جوہر ٹائون میں ہونے والے دھماکے کی تفصیلات پر مشتمل ڈوزیئر پر بریفنگ دی ہے جس میں پاکستان کے اندر دہشت گردی کی کارروائیوں میں بھارت کے ملوث ہونے کے کافی شواہد موجود ہیں۔غلام احمد گلزار نے مزید کہا کہ کشمیری اپنے پیداحق ، حق خود ارادیت کے لیے پیش بہا قربانیاںدے رہے ہیں اور بھارت اپنی ریاستی دہشت گردی کی وحشیانہ کارروائیوں کے ذریعے انہیں حق پر مبنی اپنی جدوجہد سے ہرگز دستبردار نہیں کرسکتا۔