ہفتہ‬‮   20   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

اتر پردیش: ہندوئوں کا 2مسلم بچوں کو درخت سے باندھ کر وحشیانہ تشدد

       
مناظر: 717 | 2 Feb 2023  

لکھنو (نیوز ڈیسک )بھارتی ریاست اتر پردیش کے ضلع بارہ بنکی میں ہندوئوں نے دو مسلمان بچوں کو درخت سے باندھ کر لاٹھیوں سے وحشیانہ تشدد کا نشانہ بنایا ہے ۔
کشمیرمیڈیاسروس کے مطابق پولیس نے میڈیا کو بتایاہے کہ یہ واقعہ 29 جنوری کو ضلع کے گائوں کھسپریا میں پیش آیاہے۔دوبچے شاداب اور شکیل اپنی بکریوں کے لیے چارہ اکٹھا کر رہے تھے ۔ جب وہ گھر واپس آرہے تھے تو انہیں اچانک ترلوکی اور اس کے بیٹوں سونو اور سورج نے روک لیا جنہوں نے دونوں کو درخت سے باندھ کر لاٹھیوں سے وحشیانہ تشدد کا نشانہ بنایا ۔اس واقعے کی ویڈیو سوشل میڈیا پر وائرل ہوگئی ہے۔ ویڈیو میں دونوں نابالغ مسلم لڑکوں پر ہندو خاندان کو لاٹھیوں سے تشدد کرتے ہوئے دکھایاگیا ہے جبکہ دونوں لڑکے انتہائی خوفزدہ ہیں۔بعدازاں شکیل اور شاداب کو قریبی گائوں کے لوگوں نے بچایا۔لڑکوں کے والد کی درخواست پر پولیس نے ترلوکی، سونو اور سورج کو گرفتار کرلیا ہے ۔