ہفتہ‬‮   20   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

معصوم کشمیریوں سے خوفزدہ بھارتی فوج ڈرون جیمرز کی تلاش میں جٹ گئی

       
مناظر: 979 | 22 Jan 2023  

 

چندی گڑھ(نیوز ڈیسک )بھارتی فوج سٹریٹجک خطرات سے نمٹنے کے لئے ایسے 200 ڈرون جیمرز کی تلاش میں ہے جن کو ایک آدمی اٹھا سکتا ہو۔
کشمیر میڈیا سروس کے مطابق بھارتی وزارت دفاع کی طرف سے 20جنوری کو پیش کی گئی تجاویز میں کہاگیا ہے کہ ڈرون جیمرہر قسم کے ڈرونز اور کواڈ کاپٹروں کو کسی بھی صورتحال میں پکڑنے اور جام کرنے کی صلاحیت رکھتے ہوں۔ یہ نظام ریڈیو فریکوئنسی اور ہدف کا پتہ لگانے اور اس کو نشانہ بنانے کے لیے دیگر مطلوبہ سینسر پر مشتمل ہوگا۔یہ نظام ڈرونز کو جام کرنے، کمیونیکیشن کو اپلنک کے ساتھ ساتھ ڈائون لنک کرنے، ڈیٹا اور گلوبل نیویگیشن سیٹلائٹ سسٹم (GNSS) لنکس کے ذریعے موثر ہوگا۔ اس کے ذریعے تمام سینسرز کے ان پٹ کوکمانڈ اینڈ کنٹرول سسٹم کے ذریعے یکجا کیا جاسکتا ہے تاکہ سسٹم کی موثر کارروائی کو آسان بنایا جا سکے۔ بھارتی فوج کو ایسے نظام کی ضرورت ہے جو کم از کم 5کلومیٹر تک ہدف کی شناخت کرسکتاہو اوراس کو نشانہ بنا سکتا ہو اورکم از کم2 کلومیٹر یا اس سے زیادہ دوری سے دشمن کی طرف سے جامنگ کو روکنے کی صلاحیت رکھتاہو۔اس کے علاوہ مختلف موسمی حالات میں کام کرنے کی صلاحیت رکھتا ہو۔