جمعہ‬‮   29   مارچ‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

افغانستان میں زندہ بچ جانے والے آخری روسی فوجی عبداللہ خاکیموف انتقال کر گئے

       
مناظر: 944 | 28 Dec 2022  

 

کابل (نیوز ڈیسک )افغانستان میں زندہ بچ جانے والے آخری روسی فوجی عبداللہ خاکیموف انتقال کر گئے، عبداللہ خاکیموف، افغانستان میں زندہ بچ جانے والے آخری روسی فوجی تھے جنہوں نے افغانوں کے ہاتھوں روسیوں کی شکست کے بعد اسلام قبول کیا، افغانستان ہی میں قیام پذیر رہے اور کل ہرات میں انتقال کر گئے۔امارت اسلامیہ افغانستان کے ترجمان ذبیح اللہ مجاہد نے ایک ٹویٹ میں ان کے اہل خانہ سے تعزیت کا اظہار کرتے ہوئے عبداللہ کے لیے جنت الفردوس کی دعا کی ہے۔عبداللہ کا انتقال منگل کے روز27 دسمبر کو ہوا جو افغانستان میں سوویت افواج کی آمد کا دن ہے۔عبداللہ نے کہا کہ جب میں افغانوں کی مہربانی دیکھتا ہوں تو مجھے ان کے ساتھ لڑی جانے والی جنگ پر افسوس ہوتا ہے۔واضح رہے کہ سابق سوویت فوج نے 43 سال قبل 27دسمبر کو افغانستان پر حملہ کیا تھا جسے شکست ہوئی تھی اور ان کے مٹھی بھر فوجی افغانستان میں رہ گئے تھے۔