جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

جنگی قابلیت پر فخر ، اسلحہ بہترین حالت میں موجود ہے، آئی ایس پی آر

       
مناظر: 757 | 28 Apr 2023  

 

اسلام آباد (نیوز ڈیسک ) آئی ایس پی آر کی جانب سے کہا گیا ہے کہ پاکستانی عوام یقین رکھیں کہ پاک فوج کو ہمیشہ اپنی آپریشنل تیاریوں اور بہترین جنگی قابلیت پر فخر رہا ہے۔ پاکستان آرمی کے شعبہ تعلقات عامہ آئی ایس پی آر کی طرف سے بیان جاری کرتے ہوئے کہا گیا ہے کہ پاکستان آرمی میں موجود بعض ہتھیاروں، جنگی استعداد کے بارے میں حال ہی میں میڈیا میں بحث ہوئی۔ پاکستان کو مستقبل کے درپیش خطرات پر سابق آرمی چیف کے خیالات کے بارے میں بات کی گئی۔آئی ایس پی آر نے اپنے بیان میں کہا کہ اس حوالے سے سابق آرمی چیف کی آف دی ریکارڈ گفتگو سیاق و سباق سے ہٹ کر پیش کی گئی۔ آئی ایس پی آر کے بیان کے مطابق مسلح افواج مادرِ وطن کے دفاع کیلئے ہمہ وقت تیار ہے۔ پاک فوج ملکی دفاع کیلئے ہتھیاروں اور جنگی وسائل سے بھرپور انسانی وسائل کو تیار رکھا ہے۔ آئی ایس پی آر کے مطابق پاک فوج کے جوان اپنے مادر وطن کی حفاظت کیلئے ہر وقت تیار ہیں۔ پاک فوج کے پاس ملک کے دفاع کیلئے اسلحہ بہترین حالت میں موجود ہے۔