پشاور(نیوز ڈیسک )کاؤنٹر ٹررازم ڈیپارٹمنٹ نے سول لائن پشاور کے سہولت کاروں کی گرفتاری میں مدد کے لیے اشتہار جاری کردیا ۔
سی ٹی ڈی حکام نے اشتہارمیں شہریوں سے درخواست کی ہے کہ وہ پشاور دھماکے کے سہولت کاروں کی گرفتاری میں مدد کریں ، سہولت کاروں سے متعلق معلومات دینے والے کو ایک کروڑ روپے انعام دیا جائے گا جبکہ اس کا نام بھی صیغہ راز میں رکھا جائے گا ۔ واضح رہے کہ سول لائنز پشاور کی مسجد میں ہونیوالے خودکش دھماکے میں 80سے زائد افراد شہید جبکہ درجنوں زخمی ہوئے تھے ۔