ہفتہ‬‮   30   ستمبر‬‮   2023
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

لاہور: گزشتہ روز شادی کرنے والے نوجوان میاں بیوی گھر کے واش روم میں مردہ پائے گئے

       
مناظر: 790 | 28 Dec 2022  

 

لاہور (نیوز ڈیسک )لاہور کے علاقے مصطفی ٹاؤن کے گھر سے نو بیاہتا میاں بیوی کی لاشیں ملی ہیں ۔
تفسیلات کے مطابق مصطفی ٹاؤن میں شارق اور حمنہ کی گزشتہ روز ہی شادی ہوئی تھی اور آج صبح جب وہ کافی دیر تک کمرے سے باہر نہیں آئے تو دروازہ کھٹکٹایا گیا لیکن دروازہ نہیں کھولا گیا ، گھر والوں نے پریشان ہو کر پولیس کو اطلاع کی ، پولیس موقع پر پہنچی تو دروازے کا لاک توڑا گیا ، اند ر داخل ہو کر دیکھا کہ میاں بیوی کی لاشیں واش روم میں پڑی ہیں ، فوری طور پر ریسکیو کو بلایا گیا لیکن ان کی موت ہو چکی تھی ، اس کے بعد پولیس نے ایدھی کو اطلاع کی اور لاشوں کو ہسپتال منتقل کیا ۔ ابتدائی تحقیقات میں یہ بات سامنے آئی ہے کہ ممکنہ طور پر کمرے کے واش روم میں لگے گیزر سے گیس لیکج ہوتی رہی اور دم گھٹنے سے میاں بیوی کی موت واقع ہوئی ۔ سی سی پی او لاہور غلام محمود ڈوگر نے نوٹس لیتے ہوئے ایس پی صدر سے رپورٹ طلب کر لی ہے ۔ پولیس کا کہناہے کہ لاشیں تحویل میں لے لی گئیں ہیں ، پوسٹ مارٹم کے بعد مزید پہلوؤں کو سامنے رکھتے ہوئے تحقیقات کی جائیں گی ۔