پیر‬‮   15   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

راجستھان میں مسلم اساتذہ کی معطلی کیخلاف ہندو طلباءکا احتجاج

       
مناظر: 702 | 28 Feb 2024  

 

جے پور(نیوز ڈیسک ) بھارتی ریاست راجستھان میں ایک سکول کے ہندو طلباءنے تین مسلم اساتذہ کی معطلی کے خلاف شدید احتجاج کیا ہے۔ فیروز خان، مرزا مجاہد اور شبانہ کو ہندو توا تنظیم ”سرو ہندو سماج‘ ‘ کی طرف سے جبری تبدیلی مذہب، لوجہا د اور جہادی سرگرمیوں میں ملوث ہونے کے الزام پر معطل کیا گیاہے۔
کشمیر میڈیاسروس کے مطابق مسلم اساتذہ کی معطلی کے خلاف ہندو طلباءنے اپنے گاؤں کے سکول سے سنگوڑ قصبے میں واقع ایس ڈی ایم کے دفتر تک مارچ کیا ۔ احتجاجی طلبا نے اساتذہ کے خلاف جھوٹے الزامات عائد کرنے والے دیہاتیوں اور کچھ طلباءکیخلاف کارروائی کا مطالبہ کیا۔ انہوںنے کہا کہ بعض طلباءکو ان مسلم اساتذہ کے خلاف جھوٹے الزامات عائد کرنے کیلئے مجبور کیا گیا ۔