جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

بھارتی سپریم کورٹ میں دفعہ 370 کے متنازعہ فیصلے پر نظرثانی کی درخواست جمع کرادی گئی

       
مناظر: 887 | 11 Jan 2024  

 

نئی دلی(نیوز ڈیسک )بھارت کے غیر قانونی زیر قبضہ جموں وکشمیر کی خصوصی حیثیت کے خاتمے کے حوالے سے بھارتی سپریم کے حالیہ متنازعہ فیصلے پر نظر ثانی کی درخواست عدالت عظمیٰ میں جمع کرا دی گئی ہے۔ بھارتی سپریم کورٹ نے گزشتہ برس 11دسمبر کو اپنے ایک فیصلے میں مودی حکومت کی طرف سے 5اگست 2019کو مقبوضہ جموں وکشمیر کی خصوصی حیثیت کے خاتمے کے غیر قانونی اور یکطرفہ اقدام کی توثیق کی تھی۔
کشمیر میڈیا سروس کے مطا بق سپریم کورٹ میں نظر ثانی کی درخواست آج (بدھ )مظفر اقبال خان نے جمع کرائی ہے ۔