جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

مقبوضہ کشمیر :بھارتی یوم جمہوریہ سے قبل تلاشی اور محاصرے کی کارروائیاں تیز

       
مناظر: 975 | 9 Jan 2024  

 

سرینگر(نیوز ڈیسک) فورسز نے 26جنوری کو بھارت کے نام نہاد یوم جمہوریہ سے قبل مقبوضہ جموں و کشمیر میں محاصرے اور تلاشی کی کارروائیوں اور گھروں پر چھاپوں کا سلسلہ تیز کر دیا ہے۔
کشمیر میڈیاسروس کے مطابق بھارتی فورسز نے سرینگر، کپواڑہ، بارہمولہ، بانڈی پورہ، گاندربل، بڈگام، اسلام آباد، پلوامہ، شوپیاں، کولگام، رام بن، کشتواڑ، راجوری اور پونچھ اضلاع کے مختلف علاقوں میں تلاشی کی کارروائیوں اور گھروں چھاپوں کا سلسلہ جاری رکھا۔ بھارتی فوج، سینٹرل ریزرو پولیس فورس اور اسپیشل آپریشنز گروپ کے اہلکار جو راکٹ لانچروں اور دیگر جدید ہتھیاروں سے لیس ہیں ان علاقوں میں کارروائیاں جاری رکھے ہوئے ہیں۔
واضح ر ہے کہ بھارتی قابض فوج اور پولیس اہلکاروں نے پہلے ہی مقبوضہ کشمیر کا محاصرہ کر رکھاہے اورمقبوضہ علاقے کو خاص طور پر اگست 2019 کے بعد سے کھلی جیل میں تبدیل کر دیاگیا ہے ۔