بھوپال(نیوز ڈیسک)بھارتی ریاست مدھیہ پردیش کے دارلحکومت بھوپال میں انتظامیہ نے مسلمانوں کی کالونی منہدم کر کے ایک ہزار سے زائد مسلمان خاندانوں کوکھلے آسمان تلے زندگی گزارنے پر مجبور کر دیا ہے۔
یہ خاندان گزشتہ تیس برس سے ریلوے کی اراضی پر رہ رہے تھے ۔ ان کی بھوپال گیس المیہ ریلیف فنڈ کے ذریعے باز ابااد کاری کی جانے تھی تاہم انتظامیہ نے انہیں کسی اور جگہ بسانے کے بجائے انکے گھر وں کو مسمار کر دیا۔مدھیہ پردیش کی حکومت کو 2010میں مرکزی حکومت کی طرف سے ان خاندانوں کی باز آ بادکاری کیلئے چالیس کروڑ روپے ملے تھے لیکن اس خطیر رقم کو استعمال نہیں کیا گیا ۔ متاثرین نے ذرائع ابلاغ کو بتایا کہ انہیں سیاست کا شکار بنا دیا گیا ہے اور مقامی ارکان اسمبلی اور وزرا ءنے انکے لیے کچھ نہیں کیا۔