اتوار‬‮   14   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

ہندو سب سے افضل،مسلمان مسائل کی جڑ، بی جے پی رہنما سبرا منیم سوامی کی زہر فشانی

       
مناظر: 661 | 22 Mar 2023  

نئی دہلی(نیوز ڈیسک ) ہندو انتہا پسند بھارتیہ جنتا پارٹی( پی جے پی) کے رہنما سبرا منیم سوامی نے مسلمانوں کو مسائل کی جڑ قرار دے دیا۔ بھارت میں مسلمان دشمنی کے لیے مشہور بی جے پی کے رہنما سبرا منیم سوامی نے ایک بارپھر مسلمانوں کے خلاف زہر اگلتے ہوئے کہا کہ مسلمان مسائل کی جڑ ہیں۔ جہاں 30 فیصد سے زائد مسلمان ہوں وہاں خطرہ ہے۔ بھارتی مسلمان ہندوؤں کے برابر نہیں ہیں۔ ہندو سب سے افضل باقی مذاہب کے پیروکار ان کے نیچے ہیں۔ ماضی میں بھی ہندو انتہاپسند اور مسلمان دشمن متعدد رہنما انتہائی متنازع بیانات دے چکے ہیں۔بی جے پی رہنما نارائن سوامی کا کہنا تھا کہ اکھنڈ بھارت کا قیام بی جے پی کا اولین مقصد ہے۔ ہندو انتہا پسند تنظیم آر ایس ایس کے سربراہ موہن بھگوت نے اکھنڈ بھارت کا خواب طاقت کے زور پرپورا کرنے کا اعلان کیا تھا جبکہ 2020 میں بی جے پی کے رہنما وندرافد نویس نے کراچی کے جلد بھارت کا حصہ بننے کی ہرزہ سرائی کی تھی۔