ممبئی (نیو زڈیسک ) بھارت میں سال کے آغاز میں ہی 24 ٹائیگر ہلاک ہوگئے۔ بھارتی میڈیا کے مطابق سال کے آغاز میں ہی ٹائیگروں کی اموات میں اضافہ دیکھا گیا، یہ اموات یکم جنوری سے لےکر 8 فروری تک ہوئی ہیں۔ میڈیا رپورٹس کے مطابق نیشنل ٹائیگر کنزرویشن اتھارٹی کی جانب سے اعدادوشمار جاری کرتے ہوئے بتایا گیا ہے کہ گزشتہ تین سالوں سے نئے سال کے آغاز میں ٹائیگروں کی اموات دیکھی جارہی ہیں۔
نیشنل ٹائیگرکنزرویشن اتھارٹی کے مطابق سال 2022 کے آغاز میں 16 ٹائیگروں کی اموات ہوئیں جبکہ سال 2021 میں 20 ٹائیگر موت کے منہ میں چلےگئے۔
بھارتی ریاست مدھیہ پردیش میں 9، مہاراشٹرا میں 6، راجستھان میں 3، کرناٹک میں 2، اتراکھنڈ میں 2 اور کیرالہ اور آسام میں 1،1 ٹائیگر ہلاک ہوا ہے۔
انتظامیہ کے مطابق تمام اموات قدرتی طور پر ہوئی ہے جن میں طبعی عمر پوری ہونے کے ساتھ ساتھ ٹائیگروں میں ہونے والی آپس کی لڑائی بھی شامل ہے۔
انتظامیہ کی جانب سے جانچ پڑتال کے ذریعے اس بات کو یقینی بنایا جارہا ہےکہ اموات کا تعلق کہیں غیر قانونی شکار سے نہ ہوں۔