اتوار‬‮   14   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

ہندوتوا حکومت کشمیری نوجوانوں کو منشیات کی طرف دھکیل رہی ہے: حریت رہنمائوں کا بیان

       
مناظر: 610 | 13 Feb 2023  

 

سرینگر(نیوز ڈیسک ) غیر قانونی طور پر بھارت کے زیر قبضہ جموں و کشمیر میں ایک تقریب کے مقررین نے کہا ہے کہ بی جے پی اور آر ایس ایس کی ہندوتوا حکومت اپنی ظالمانہ پالیسیوں اور اقدامات کے ذریعے کشمیری نوجوانوں کو منشیات کی طرف دھکیل کر ان کی زندگیاں تباہ کر رہی ہے۔
حریت رہنما ڈاکٹر مصعب، پروفیسر عمر، محمد آکاش اور گووند سنگھ خالصہ سمیت مقررین نے سرینگر میں ایک تقریب سے خطاب کرتے ہوئے کہا کہ مودی حکومت کی طرف سے خوف و دہشت کا ماحول پیدا کئے جانے ،گھروں کی مسماری، سیاسی ناانصافی اور بے روزگاری کے مسائل جموں و کشمیر میں نوجوانوں کو منشیات کی طرف دھکیل رہے ہیں۔انہوں نے کہا کہ مسماری کی مخصوص اور ٹارگٹڈمہم ایک اور اہم عنصر ہے جس کا مقصد جموں و کشمیر کے لوگوں بالخصوص مسلم خاندانوں کو ان کی زمینوں سے محروم کرناہے۔ انہوں نے کہاکہ بھارتی وزارت داخلہ جموں و کشمیر کے عوام کے سیاسی اور معاشی مفادات کے خلاف ہفتہ وار بنیادوں پر صوابدیدی احکامات جاری کررہی ہے۔ انہوں نے کہا کہ مودی حکومت جموں و کشمیر میں بیرونی لوگوں کو آباد کرنے کے مذموم ایجنڈے کے تحت لوگوں کے گھروں، دکانوں، کاروباری مراکز اور املاک کو تباہ کر رہی ہے۔مقررین نے مقبوضہ جموں وکشمیر کے باشندوںپر زور دیا کہ وہ کشمیر دشمن قوتوں کے خلاف مشترکہ طورپر جدوجہدکریں۔