جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

بھارت میں انتہاپسندی عروج پر ،اسکول کے ساتھیوں نے طالبعلم کو چھرا گھونپ دیا

       
مناظر: 285 | 10 Feb 2023  

ہریانہ(نیوز ڈیسک ) بھارت میں 16 سالہ لڑکے کو اسکول کے ساتھیوں نے چھریوں کے 20 سے زیادہ وار کر کے موت کے گھاٹ اتار دیا۔
بھارتی میڈیا کے مطابق ہریانہ کے علاقے فریدآباد مین 10 کے قریب اسکول کے ساتھیوں اور دیگر نامعلوم افراد پر مشتمل گروپ نے مبینہ طور پر اس وقت چاقو کے وار کر کے طالبعلم کو ہلاک کر دیا جب وہ گھر واپس جا رہا تھا۔
پولیس نے بتایا کہ مشتبہ افراد کی شناخت کر لی گئی ہے اور ان کی گرفتاری کے لیے تلاش جاری ہے تاہم فوری طور پر قتل کے محرکات کا پتہ نہیں چل سکا۔
پولیس کے مطابق گیارہویں کلاس کے طالب علم پر حملہ اس وقت کیا گیا جب وہ سہ پہر 3.30 بجے کے قریب اسکول بس سے نیچے اترا اور اپنے دوست کی موٹر سائیکل پر سوار ہو کر سیکٹر 56 میں گھر واپس جا رہا تھا۔
لڑکے کے اہل خانہ نے بتایا کہ ملزمان نے موٹر سائیکل روک کر اسے اتارا اور اس پر چھریوں سے حملہ کر دیا، ملزمان نے 20 سے زائد بار چھریوں کا وار کیا، اس کے پیٹ، چھرے اور سینے پر وار کیے اور کہتے رہے کہ ’’اب ہیرو بن جاؤ‘‘۔ انہوں نے اپنی شناخت ظاہر کرنے پر دو [عینی شاہدین] کو قتل کرنے کی دھمکی بھی دی۔