جمعہ‬‮   29   مارچ‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

مودی کشمیر کی خصوصی حیثیت کو بحال اور پاکستان ساتھ مذاکرات کرے:اے ایس دلت

       
مناظر: 384 | 24 Jan 2023  

 

نئی دہلی( نیوز ڈیسک )بھارتی خفیہ ادارے ”ریسرچ اینڈ اینالائسز ونگ“ (را) کے سابق سربراہ اے ایس دلت نے کہا ہے کہ پاکستان کشمیر کا ایک لازمی فریق ہے، دفعہ 370 کو ختم کرنے کی ضرورت نہیں تھی ۔انہوں نے کہا کہ گو کہ اس دفعہ میں کچھ اتنا خاص نہیں تھا تاہم اس سے ایک کشمیری کو تھورا سا وقار حاصل تھا۔ میڈیا رپورٹ کے مطابق اے ایس دلت نے راجستھا ن کے دارلحکومت جے پورمیں ایک تقریب سے خطاب کرتے ہوئے کہا کہ میں نے دلیل دی تھی کہ ہمیں دفعہ370کو ختم کرنے کی ضرورت نہیں ہے ۔ انہوں نے کہا کہ کشمیری سب سے مہربان، نرم مزاج اور اچھے لوگ ہیں۔۔ انہوں نے کہا کہ میں نے میر واعظ عمر فاروق سمیت بہت سے کشمیری رہنمائوں سے بات کی ہے جنکا کہنا ہے کہ بھارت نے ہم سے کبھی سچ نہیں بولا۔انہوں نے مزید کہا کہ کشمیر میں مزاحمت اس وقت تک جاری رہے گی جب تک بھارت پاکستان کے ساتھ بات چیت نہیں کرتا۔ انہوں نے کہا کہ پاکستان کشمیر کا ایک لازمی فریق ہے۔