پیر‬‮   15   اپریل‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

بھارت میں کتے کی دھوم دھام سے شادی، غریب بھوکے مر گئے

       
مناظر: 777 | 18 Jan 2023  

 

ممبئی (نیوز ڈسک ) بھارت میں جانور پالنے کے شوقین افراد اکثر اپنے جانوروں کی شادی کرواتے ہیں تاہم ایسی ہی ایک ویڈیو سوشل میڈیا پر وائرل ہورہی ہے جس میں ایک کتے کی دھوم دھام سے شادی کروائی جارہی ہے۔ بھارتی میڈیا کے مطابق یہ واقعہ بھارتی ریاست اترپردیش میں پیش آیا،جہاں 7 ماہ کی کتیا جیلی کی شادی ٹومی نامی کتے سے کروائی گئی۔ سوشل میڈیا پر دونوں کی شادی کی ویڈیو بھی وائرل ہورہی ہے جس میں دیکھا جاسکتا ہے کہ کتوں کے مالکان کی فیملیز کی جانب سے ڈھول کی تھاپ پر رقص بھی کیا جارہا ہے۔ میڈیا رپورٹس کے مطابق کتوں کی جوڑی کو فیملیز کی جانب سے پھولوں کا ہار بھی پہنایا گیا جبکہ جیلی کے مالکان نے ہندو رسم کے مطابق دلہے یعنی ٹومی کو تلک بھی لگایا۔ اس موقع پر ٹومی کے مالک نے میڈیا کو بتایا کہ مکر سکرانتی کے تہوار کے موقع پر یہ شادی کروائی گئی ہے اور محلے کے کتوں میں دیسی گھی کا کھانا بھی تقسیم کیا گیا جبکہ اس تقریب پر تقریباً 40 ہزار سے 45 ہزار روپے کا خرچہ کیا گیا۔