جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

مغربی بنگال: سکول بچوں کے کھانے سے مردہ سانب برآمد ، 30سے زائد بچے ہسپتال داخل

       
مناظر: 630 | 12 Jan 2023  

 

کولکتہ (نیوز ڈیسک )بھارتی ریاست مغربی بنگال کے ضلع بیر بھوم کے ایک سکول میں طلباءکو دیے جانے والے کھانے سے مردہ سانب برآمد ہوا ہے۔ کھانا کھانے کے باعث 30سے زائد طلباءبیمار پڑ گئے ہیں جنہیں ہسپتال میں داخل کرایا گیا۔
کشمیر میڈیاسروس کے مطابق کھانا کھانے کے بعد کئی بچوں کو الٹی ہونے لگی ۔ اس دوران کھانا بنانے والے سکول کے ایک ملازم نے کہا کہ دال سے بھرے ایک کنٹینر میں مردہ سانپ ملا تھا۔ بچوں کے بیمار پڑنے کی خبر ملنے کے بعد انکے والدین اور دیگر افراد خانہ نے سکول کا گھیراؤ کیا اوروہاں توڑ پھوڑ کی ۔ پولیس نے معاملے کی تفتیش شروع کر دی ہے۔ بھارتی ذرائع ابلاغ کی رپورٹس میں کہا گیا کہ ریاست میں سکول کے بچوں کو دیے جانے والے مڈ ڈے میل میں چھپکلی یا پھر کوئی دوسری زہریلی چیز برآمد ہونے کے واقعات لگا تار سامنے آرہے ہیں۔