جمعرات‬‮   29   فروری‬‮   2024
پاکستان سے رشتہ کیا     لا الہ الا الله
پاکستان سے رشتہ کیا                    لا الہ الا الله

بھارتی وزیر دفاع کی طرف سے مقبوضہ کشمیر میں فوج کی 4نئی این سی سی بٹالینز کے قیام کی منظوری

       
مناظر: 423 | 9 Jan 2024  

 

نئی دلی(نیوز ڈیسک ) بھارتی وزیر دفاع راج ناتھ سنگھ نے مقبوضہ جموں وکشمیر کیلئے مزید 4نیشنل کیڈٹ کور یونٹس کے قیام کی منظوری دی ہے ۔جن میں سے 3 مقبوضہ جموں و کشمیر اور ایک لداخ میں قائم کیاجائیگا۔
کشمیر میڈیا سروس کے مطابق راج ناتھ نے ادھمپوراور کپواڑہ میں ایک ایک بوائز اینڈ گرلزآرمی بٹالین اور ادھمپور میں ایک ایئر سکواڈرن جبکہ کارگل ، لداخ کیلئے لڑکوں اور لڑکیوں کی آرمی این سی سی بٹالین منظوری دی ہے۔وزارت دفاع نے کہاہے کہ مقبوضہ علاقے میں پہلے سے موجود 27ہزار870کیڈٹس کے علاوہ جموں و کشمیر اور لداخ میں مزید12ہزار860کیڈٹس کا کا اضافہ کیاجائیگا ۔اس وقت این سی سی ڈائریکٹوریٹ کے دو گروپ ہیڈکوارٹر ہیں، جن میں مجموعی طورپر10این سی سی یونٹ موجود ہیں، جو تین جغرافیائی خطوں جموں و کشمیر اور لداخ پرمشتمل ہیں۔